मुंबई : हजारो कोटी रुपयांच्या घोटाळ्यातील आरोपी निरव मोदी याला लंडनमध्ये अटक करण्यात आल्यानंतर भारताला आणखी एक यश आले आहे. ५ हजार कोटी रुपयांच्या घोटाळ्यातील आरोपी हितेश पटेल याला अल्बानियात अटक करण्यात आली आहे.
हितेश पटेल हा स्टर्लिंग बायोटेक घोटाळा प्रकरणात आरोपी असून तो फरार झाला होता. त्याच्याविरोधात ११ मार्च रोजी रेड कॉर्नर नोटीस जारी करण्यात आली होती. त्याला अल्बानियात अटक करण्यात आली आहे. हितेश पटेल याचे लवकरच भारताकडे प्रत्यार्पण करण्यात येईल अशी आशा अंमलबजावणी संचालनालयाने व्यक्त केली आहे.
(PRAHAAR)