नवी दिल्ली (वृत्तसंस्था) : जगातील श्रीमंतांच्या यादीत मुकेश अंबानी पाचव्या स्थानावर आहे. आता अंबानी पुन्हा चर्चेत आले असून या वेळी कारण आहे ते त्यांची संपत्ती घटल्याचे होय. गेल्या २४ तासात मुकेश अंबानी यांच्या संपत्तीत २.३ अब्ज डॉलर इतकी घसरण झाली आहे.
फक्त अंबानीच नव्हे तर जगातील टॉपच्या पाच श्रीमंतांच्या संपत्तीत २४ तासात ११ अब्ज डॉलर इतकी घसरण झाली आहे. या सर्व श्रीमंतांच्या संपत्ती घसरणीचे कारण शेअर बाजारातील घसरण असल्याचे समजते. बुधवारी अंबानी यांची संपत्ती २.८२ टक्क्यांनी घसरली. कारण रिलायन्सचे शेअर ४ टक्क्यांनी घसरले होते. अंबानींबरोबर जगातील क्रमांक एकचे श्रीमंत व्यक्ती अँमेझॉनचे सीईओ जेफ बेजोस यांच्या स्पत्ती ३ अब्ज डॉलरने घसरली आहे.
कोरोनाचा फटका बिल गेट्स यांना देखील बसला आहे. त्यांची संपत्ती ८३७ मिलियन डॉलरने घसरली. तर फ्रान्समधील उद्योगपती बर्नार्ड अरनॉल्ट यांची संत्ती ३.६ अब्ज डॉलरने घसरली. फेसबुकचे सहसंस्थापक मार्क झुकरबर्ग यांची संपत्ती १.४२ टक्के अर्थात १.२ अब्ज डॉलरने घसरल्याचे फोर्ब्स रियल टाइम बिलेनिअरने म्हटले आहे. कोरोना काळात रिलायन्सच्या तिमाहीचे निकाल गुरूवारी जाहीर होणार आहेत. हे निकाल एक एप्रिल ते ३0 जून या कालावधीचे असतील त्याआधीच कंपनीचे शेअर घसरलेत. गेल्या काही महिन्यात मुकेश अंबानींच्या नेतृत्वाखालील रिलायन्सने देशाबाहेर नाव कमावले आहे.
एनर्जी कंपनीबाबत सैदीच्या अरामको नंतर रिलायन्सचा क्रमांक लागतो. फक्त तीन महिन्यांपूर्वी जिओमध्ये मोठ्या प्रमाणात गुंतवणूक सुरू झाली आणि कंपनीची स्थिती सुधारली. गेल्या आठवड्यात रिलायन्सच्या शेअरमध्ये विक्रमी तेजी दिसली होती. या काळात शेअर ३00 रुपयांपेक्षा अधिकने वाढले होते. त्याच बरोबर कंपनीचे बाजार भांडवर १४ लाख कोटींच्यावर गेले होते. आतापर्यंत कोणत्याही भारतीय कंपनीला अशी कामगिरी करता आली नव्हती.
अंबानी विकत घेणार फ्युचर ग्रुप
दरम्यान गेल्या काही दिवसांपासून रिलायन्स ग्रुप लवकरच फ्युचर ग्रुप विकत घेणार असल्याची बातमी येत आहे. दोन्ही कंपनीमधील करार अंतिम टप्प्यात असून रिलायन्स २४ ते २७ हजार कोटी रुपयांना हा करार करू शकते. फ्युचर ग्रुपच्या मालकीचे बिग बाजारसह अन्य स्टोअर रिलायन्सच्या ताब्यात येऊ शकतात. रिलान्सचे देशातील ६ हजार ७०० शहरात १२ हजार स्टोअर्स आहेत.